Like Our Facebook Page

New Poets Added

Poets Directory

Latest Poetry

Your Poetry

Woh humsafar tha magar us say humnawaayi na thi, (Naseer Turabi)

Make This Poetry Your Favorite

Woh humsafar tha magar us say humnawaayi na thi, Ke dhoop chaaon ka alam raha judaayi na thi, Na apna ranj na auron ka dukh na tera malaal, Shab e firaaq kabhi hum ne yun ganwayi na thi, Mohabbaton ka safar is tarha bhi guzra tha, Shikasta dil thay musaafir shikasta-paayi na thi, Adawatein theen, taghaful tha, ranjishein theen magar, Bicharrne wale main sab kuch tha bewafaayi na thi, Bicharrte waqt un aankhon main thi hamari ghazal, Ghazal bhi woh jo kisi ko abhi sunayi na thi, Kisse pukaar raha tha wo doobta hua din ?, Sadaa tou aayi magar koi duhaayi na thi, Kabhi yeh haal ke donon main yak-dili thi bohat, Kabhi yeh marhala jaisay keh aashnayi na thi, Ajeeb hoti hay raah`e sukhan bhi dekh “naseer”, Wahan bhi aa gaye akhir jahan rasaayi na thi..

Comment Box is loading comments...

More Poetry Of Naseer Turabi