Like Our Facebook Page

New Poets Added

Poets Directory

Latest Poetry

Your Poetry

naa kisii kii aaNkh kaa nuur huuN (Bahadur Shah Zafar)

Make This Poetry Your Favorite

naa kisii kii aaNkh kaa nuur huuN, naa kisii ke dil kaa qaraar huuN jo kisii ke kaam na aa sake, maiN vo ek musht-e-gubaar huuN main nahin huun naghma-e-jaaN feza, koii sun ke mujh ko karega kya main baRe birog ki huuN sada, maiN baRe dukhoN ki pukaar huun meraa rang ruup bigaD gayaa, meraa yaar mujh se bichaD gayaa jo chaman khizaaN se ujaR gayaa, main usi ki fasl-e-bahaar huun naa to maiN kisii kaa habiib huuN, naa to maiN kisii kaa raqiib huuN, jo bigaD gayaa vo nasiib huun, jo ujaD gayaa vo dayaar huun. padhe faatihaa koi aae kyuuN, koi chaar phuul chaDhaae kyuuN? koi aake shamaa jalaae kyuuN, maiN vo bekasi kaa mazaar huuN

Comment Box is loading comments...

More Poetry Of Bahadur Shah Zafar