Like Our Facebook Page

New Poets Added

Poets Directory

Latest Poetry

Your Poetry

Baat aisi bhi koi nahin ke mohabbat bohat zeyada hai, (Zafar Iqbal)

Make This Poetry Your Favorite

Baat aisi bhi koi nahin ke mohabbat bohat zeyada hai, Lekin hum donon se uss ki taaqat bohat zeyada hai, Aap ke peechey peechey phirne se to rahe iss umar me hum, Raah pe aa baithe hain yeh bhi ghaneemat bohat zeyada hai, Ishq udaasi ke paighaam to laata rehta hai din raat, Lekin hum ko khush rehne ki aadat bohat zeyada hai, Kaam to kaafi rehta hai lekin karnaa hai kis ne yahan, Beshak roz idhar aa niklo fursat bohat zeyada hai, Kyaa kuch ho na saka hum se aur hone wala hai kya kuch, Hassrat bhi kaafi hai lekin hairat bohat zeyada hai, Sair hi kar ke aa jayenge phir bazaar-e-tamasha ki, Jiss shai ko bhi haath lagayen qeemat bohat zeyada hai, Uss ki tawajoh haasil ki aur beech me sab kuch chorr diya, Hikmat jinti bhi ho iss me himaaqat bohat zeyada hai, Ishq hai kis ko yaad ke hum to darte hi rehte hain sadaa, Hussn woh jaisa bhi hai uss ki dehshat bohat zeyada hai, Ek cheez jo apnii rasaayi se bahar hai kahin “zafar”, Sach puucho to iss ki hamen zaroorat bhi bohat hai..

Comment Box is loading comments...

More Poetry Of Zafar Iqbal