Like Our Facebook Page

New Poets Added

Poets Directory

Latest Poetry

Your Poetry

A Man's A Man For A' That - Poem by Robert Burns (Robert Burns)

Make This Poetry Your Favorite

Is there for honesty poverty That hings his head, an' a' that; The coward slave - we pass him by, We dare be poor for a' that! For a' that, an' a' that, Our toils obscure an' a' that, The rank is but the guinea's stamp, The man's the gowd for a' that. What though on hamely fare we dine, Wear hoddin grey, an' a' that? Gie fools their silks, and knaves their wine, A man's a man for a' that. For a' that, an' a' that, Their tinsel show, an' a' that, The honest man, tho' e'er sae poor, Is king o' men for a' that. Ye see yon birkie ca'd a lord, Wha struts, an' stares, an' a' that; Tho' hundreds worship at his word, He's but a coof for a' that. For a' that, an' a' that, His ribband, star, an' a' that, The man o' independent mind He looks an' laughs at a' that. A price can mak a belted knight, A marquise, duke, an' a' that; But an honest man's aboon his might, Gude faith, he maunna fa' that! For a' that, an' a' that, Their dignities an' a' that, The pith o' sense, an' pride o' worth, Are higher rank than a' that. Then let us pray that come it may, (As come it will for a' that,) That Sense and Worth, o'er a' the earth, Shall bear the gree, an' a' that. For a' that, an' a' that, That man to man, the world o'er, Shall brithers be for a' that. Robert Burns

Comment Box is loading comments...

More Poetry Of Robert Burns