Like Our Facebook Page

New Poets Added

Poets Directory

Latest Poetry

Your Poetry

Zikr-e shab-e firaaq se wehashat usey bhi thi (Mohsin Naqvi)

Make This Poetry Your Favorite

Zikr-e shab-e firaaq se wehashat usey bhi thi Meri tarah kisi se muhabbat usey bhi thi Mujh ko bhi shauq tha naye cheharon ki deed ka Rastaa badal ke chalane ki aadat usey bhi thi Uss raat der tak woh raha mahv-e guftagu Masroof main bhi kam tha faraagat usey bhi thi Sunta tha woh bhi sab se puraani kahaaniyan Taaza rafaaqaton ki zarurat usey bhi thi Mujh se bichhad ke shehar mein ghul-mil gaya woh shakhs Haalanki shehar bhar se raqabat usey bhi thi Woh mujh se badh ke zabt ka aadii tha jee gaya Warna har ek saans qayaamat usey bhi thi …!!

Comment Box is loading comments...